Абыйга быыстапка арылынна

Абыйга быыстапка арылынна

Бу куннэргэ Абый нэЇилиэгэр «Көмүс күhүн бэлэхтэрэ»  быыстапката анал дьаарбанкага турда. Бу туьунан нэьилиэк библиотекатын улэьитэ Александра Слепцова иьитиннэрдэ.

Ким саас, сайын оҕуруотугар үлэлиир – ол сылы супту битэмииннээх аһы сиир. Оннук үлэhит дьону көҕүлээн, биhиэхэ сылын аайы «Көмүс күhүн бэлэхтэрэ» тэрээhин ыытыллар.

Быйылгы тэрээһин, куонкурус быһыытынан түөлбэлэр икки ардыларыгар ыытылынна. Манна кыттынна «Элгэс» — сал. Чиркова А.Н., «Түмсүү» — сал. Стручкова Ж.В., «Уйгу» — сал. Яковлева Ан. Е.

Куонкурус 6 түһүмэхтээх:

— Түөлбэ  турар сирин киэргэтии;

— Түөлбэни  билиһиннэрии (визитка);

— Түөлбэ  эҕэрдэ  нүөмэрэ;

— Күһүннү  астан  бүлүүдэ;

— Оҕуруот  аһынан  кэнсиэрбэлэммит  бородуукта  арааһа (ахсаана);

— Саамай  улахан (гигант) оҕуруот  аһа;

Хас  биирдии  түөлбэ  олохтооҕо  араас  дьикти  үүнээйитин, оҕуруотун, сирин аhын  быыстапка – дьаарбанкаҕа  аҕалла. Бары да бэркэ бэлэмнэммиттэр, күһүңңэ сыһыаннаах биир тэң атрибуттары кэппиттэр, турар миэстэлэрин киэргэппиттэрэ харахха быраҕыллара  олус да учугэй!

Маннайгы түһүмэххэ «Элгэс» түөлбэ олохтоохторун ураты дьарыктарын хомоҕой хоһоонунан хоһуйда, түөлбэ а5а саастаах оҕуруоччутугар Сухомясова Тамара Васильевнаҕа сэмэй бэлэҕин туттарда. «Түмсүү» түөлбэ оҕуруот, сибэкки олордуутунан дьарыктанар олохтоохторун кэпсээтэ. Сыл ахсын оҕуруот олордон өлгөм үүнүүнү ылар, элбэх сибэкки эгэлгэлээх Анна, Алемпий Дохунаевтар дьиэ кэргэңңэ бэлэх туттарда. «Уйгу» түөлбэ аҕа саастаахтан саҕалаан саамай оҕотугар тиийэ “Аал лук” масс уруһуйдаан сырдатта.

Эҕэрдэ нүөмэр түһүмэҕэр бары да былааһы ыллылар, бэйэ бэйэлэриттэн хаалсыбатылар. Элгэстэр оҕуруотчуттарга анаан музыкальнай импровизация туруордулар онно аҕа саастаах дьоммут кыттыбыттара үөрдэр. Түмсүүлэр частушкалаан толордулар. Уйгулар оҕолуун улаханныын бары кытыннылар, «Антошка» оруолун Любовь Григорьева үңкүүлээн дьону сэргэхситтэ.

Yһүс түһүмэххэ «Түмсүү» — Анна Никифоровна Дохунаева тэллэй, сэбирдэх формалаах минньигэс бэчиэнньэ астаан, «Уйгу» — Марина Андреевна Слепцова сып-сымнаҕас балык формалаах бөрүөк оңорон, «Элгэс» — Марта Васильевна Бережнова «Күһүңңү бэлэх» бүлүүдэ —  фаршируйдаммыт сибиэһэй уомул, киэргэтиитэ: искэх, балыктан, күстэхтэн паштеттар, хаппыыста, оҕурсу салааттара, помидор, лук, хортуоска. Көрөөччүлэр сэңээриилэринэн кыайыылаах миэстэни ылла Марта Васильевна «Элгэс» түөлбэ. Кэнсиэрбэлэммит ас арааһынан кыайдылар Элгэстэр. Биһиги тыйыс айылҕабытыгар үүнэллэр да эбит со5уруу сиртэн итэҕэһэ суох оҕуруот астара. Саамай улахан оҕуруот аһын курэҕин ыыттылар оскуола үлэһиттэрэ Слепцова С. Г., Афанасьева А. В. Бу түһүмэххэ кыайыылаахтар  ааттара:

-Хаппыыста – 6520гр. – Черемкина Елена Егоровна;

-Моркуоп – 552гр. – Слепцова Вера Агитовна;

-Хортуоска – 530гр. – Черемкина Мария Васильевна;

-Сүбүөкүлэ – 1372гр. – Дохунаева Вера Васильевна;

-Биэрэс – 156гр. – Слепцова Светлана Алексеевна;

-Кабачок – 2888гр. – Жиркова Оксана Семеновна;

-Помидор – 236гр. – Черемкина Елена Егоровна;

-Оҕурсуу – 954гр. – Слепцова Вера Агитовна кыайыылаахтар сертификат уонна сэмэй бэлэх туттулар.

Бары түһүмэх түмүгүнэн кыайыылааҕынан таҕыста“Элгэс”түөлбэ сал. Чиркова А. Н.

Жиркова Мария Николаевна аатынан ыытыллар сибэкки күрэҕин

Тумугэ туттарылынна.  Олбуорун иһигэр араас эгэлгэ сибэккилэри олордубут В. М. Никулина кыайыылаа5ынан тахсан олохтоох дьаһалта бирииһин ылла. Мария Николаевна оҕолорун, аймахтарын ааттарыттан анал ааттары ыллылар «Ветеран цветовод» — Сухомясова Т. В., «Молодой цветовод» — Григорьева Н. Г., туттарда кийиитэ Оксана Семеновна Жиркова.

Бу куңңэ анаан оҕуруокка аналлаах кинигэ быыстапката тэрилиннэ, иилээн саҕалаан култуура дьиэтин үлэһиттэрэ ыыттылар.