Толкуйдаа. Оонньоо. Кыай

Балаҕан ыйын 27 күнүгэр өрөспүүбүлүкэ күнүгэр аналлаах улуустааҕы библиотекаҕа “Толкуйдаа. Оонньоо. Кыай” диэн ааттаах оонньуу ыытылынна. Манна икки хамаанда кыттыыны ылла. Бастакы хамаандаҕа тэрилтэ уопуттаах салайааччылара киирдилэр, оттон иккис хамаандаҕа – эдэр испэсэлиистэр. Оонньуу аҕыс түһүмэххэ ыытылынна. Бастакы түһүмэх «Улуустар гербаларын таайыы». Манна салайааччылар иннилэрин биэрбэтилэр. Иккис түһүмэххэ хартыыналар көмөлөрүнэн тылла таһаардылар. Син тэҥнээх киирсиигэ кыайыылааҕынан эдэрдэр буоллулар. Үһүс түһүмэххэ “Кылгас тургутук” викторина ыытылынна. Салайааччылар элбэх сөптөөх этии биэрэн очко суруннулар. «Саха айымньыларын төһө билэҕин” диэн төрдүс түһүмэххэ эмиэ кыайыылааҕынан бастакы хамаанда таҕыста. Оттон «Көрдөөх хамсаныы”, “Тыллары таай”, “Саха өрөспүүбүлүкэтин салайааччыларын төрөөбүт дойдуларын таай” диэн түһүмэхтэргэ хамаандалар олох арыы-барыы барыстылар. Түмүккэ аҕыйах очукуонан бастакы хамаанда кыайан таҕыста. Тэрийээччилэр ааттарыттан оонньууга кыттыбыттар бука бары сертификат уонна кинигэ бэлэх туттулар. Тэрээһини бары сэргээтилэр уонна өссө да маннык оонньуулары ыыталларыгар баҕа санааларын эттилэр.