Сана кинигэ сурэхтэннэ

Бу күннэргэ киин библиотекаҕа Алексей Атласов айар үлэтигэр туһуламмыт икки  кинигэ сүрэхтэниитэ ааста. Түмэн оҥорооччу ааптар биир дойдулаахпыт Клавдия Васильевна Атласова.

Түмэн оҥорооччу ааптар Клавдия Васильевна Атласова презентация кэмигэр ахтарынан, үлэлэр мөлтөх туруктаах биирдии илиискэ сурулла сылдьыбыттарын бэчээттээбиттэр: «Сорох сирдэринэн көстүбэт буолан, луупанан ааҕан уолбунаан бэчээттээбиппит. Үс сыл туруулаһан туран үлэлээтибит. Элбэх билбэт тылларым бааллар этэ”, — диэн аїынна, сиһилии хас биирдии кинигэҕэ тохтоото. Мустубут ыалдьыттар билэр дьоннорун истэн, ахтан сэҥээрдилэр.

«Кэлэн иһэр Кыайыы сылыгар чинчийээччилэргэ  матырыйааллар олус туһалаах буолуохтарын сөп», — диэн ааптар бэйэтин санаатын үллэһиннэ.

Сиһилии кэпсээтэххэ, бастакы кинигэ “Славный род Аммосовых” —  64 страницалаах, халын  переплеттаах, 25 экземпляр тиражтаах. Иккис кинигэ “Абый ааспыт олоҕуттан”. Манна Алексей Алексеевич 60-с сылларга суруйбут хоһоонноро, уос номохторо, историческай очеркалара, ахтыылара түмүллүбүттэр. Кинигэ эмиэ халын перплеттаах, 80 страницалаах, 25 экземпляр тиражтаах. Даҕатан эттэххэ, 2018 сыллаахха, кытаанах переплеттаах, 128 лиистээх Алексей Атласов ”Таптыыр ийэм, Абыйым” кинигэ күн сирин көрбүт.

Сорох хоһооннор, кэпсээннэр билигин даҕаны суолталарын сүтэрбэттэрин эттилэр.   

Алексей Алексеевич хоһоонньут эрэ буолбакка, бэйэтин кэмигэр улууска  биллэр – көстөр общественнай деятель. Айар үлэтигэр кэм кэрдии аастаҕын аайы интэриэс күүһүрэн иһэрэ саарбахтаммат. Абый ааспыт олоҕуттан кинигэїэ политическай сссыльнай Турпанов, Абыйга гражданскай сэрии кэмнэрэ, Абыйга бастакы үөрэхтээһин, маҥнайгы комсомол, уу суолун арыллыыта, сэрии сыллара, фронтовик Стручков Николай Васильевич, табаһыт Николай Лебедев туһунан суруллубуттара болҕомтону ылар.

Алексей Алексеевич айымньыларыгар бэйэтин тус олоҕо, олорбут кэмэ көстөр. Сатирическай даҕаны хоһооннор баалар. Ордук улахан суолтаны улуу кыайыыга биэрбит. «Славный род Аммосовых» кинигэїэ Улуу кыайыны уһансыбыт Аммосовтар киирбиттэр.

Кэпсэтии олус иһирэх эйгэҕэ ааста. Бйэлэрин ахтыыларын Матрена Архипова, Иван Никулин,  Клавдия Черова эттилэр. Изольда Атласова, айталина Унарова, Нина Стручкова ырыалара киэргэттилэр.

Кинигэ сүрэхтэниитин кэмигэр ааптарга сэмэй бэлэхтэрин бииргэ музыкальнай оскуолаҕа бииргэ үлэлиир коллегалара, доготторо, дьүөгэлэрэ, Аммосовтар аймахтара туттардылар, өссө даҕаны ситиһиилээх үлэни баҕардылар.