Аҕа саастаахтар куннэрэ

Алтынньы 1 күнүгэр Абыйга аҕа саастаах дьон декадата буолан ааста, бу күнтэн тэрилтэлэр араас акциялары тэрийдилэр, ол курдук: «Харысхал» -акцияны ыытта Абыйдааҕы участковай балыыҺа. Абый нэҺилиэгэр саµа ананан кэлбит быраас Петр Викторович Слободчиков аҕа саастаахтарга дьиэннэн сылдьан доруобуйаларын  көрдө – иҺиттэ. «Ыраас уу» — акцияны Абыйдааҕы орто оскуола тэрилтэтэ ыытта. Оскуола суоппара Павел Сергеевич Черемкин ытык саастаахтарбытыгар уу кутта. «Кэрэ көстүү»— акцияны Абыйдааҕы култуура дьиэтин дириэктэрэ Светлана Васильевна Слепцова батах кырыйда, кырааскалаата. Бу акциялар ытык саастаахтарбытын үөртүлэр, астыннардылар.

Нэдиэлэ бутэҺик күнүгэр ытык саастаах аҕа дьоммут мустаннар, итии чэйдээх, дэлэй астаах остуолга бэйэ бэйэлэрин кытта көрсүҺэн, уруккуну – хойуккуну санаҺан, кэпсэтэн, оонньоон, үµкүүлээн сэргэхсийдилэр. ТэрээҺин маннайгы чааҺа нэҺилиэк аҕа баҺылыга Тимофей Арианович Томскай эҕэрдэтинэн аҺылынна. Кини саастаах, убаастанар дьоммутугар сэрии сылларын оҕолоругар Слепцова Анна Егоровнаҕа, Слепцова Светлана Афанасьевнаҕа, Рязанский Василий Дмитриевичка, Слепцова Елена Егоровнаҕа, Сухомясова Тамара Васильевнаҕа, Хабаров Семен Васильевичка, Ребров Егор Григорьевичка, Васильева Мария Степановнаҕа туоҺу удостоверение туттарда. Тэрилтэлэр үбүлүөйдээх аҕа саастаахтарыгар итии – истиµ эҕэрдэ тыллаах сэмэй бэлэхтэрин туттардылар: администрация Аммосова А. В., Черемкина М. В., Слепцова А. Г., Корякин Г. А.; ГУП ЖКХ тэрилтэтэ Соломов В. С, «Харыйачаан» детсад Яковлев А. Г. Абый нэҺилиэгин ветераннарын председателя Никулина Прасковья Григорьевна сыллааҕы үлэтин отчуоттаан, ветераннарга  элбэх  үлэ  ыытыллыбытын слайданнан көрдөрөн кэпсээтэ. Иккис чааҺыгар эҕэрдэ ырыалары Стручкова Женя «Абый», Черемкина Айгылаана ветеран учууталларга анаан «Учуутал киҺиэхэ», Надежда Черемкина «Хаар түҺэр», «Ийэбэр», Анатолий Стручков «Клён шумит», «Ытык кырдьаҕас» бэлэх ууннулар. «Уйгу» түөлбэ салайааччыта Анастасия Яковлева аҕа саастаахтары эҕэрдэлээн, бэйэтэ астаабыт минньигэс туордунан күндүлээтэ. Көрдөөх оонньуулары библиотекарь

А. Н. Слепцова, социальнай үлэҺит Ж. В. Стручкова тэрийдилэр. Ытык саастаахтарбыт уоттаах – күөстээх үµкүүнү оройуттан тутан үµкүүлээн тэйдилэр.

Бары ытык саастаах дьоммутугар уҺун үйэни баҕарабыт, эдэр ыччат дьоммутугар сүбэ – ама буола олороргутуттан үөрэбит,  махтанабыт!

Александра Слепцовас. Абый